“गिरीशिखर न्यूज 24x7”

जिल्ह्यातील अधिकारी-कर्मचारी अभियानात सर्वोत्तम योगदानासाठी सज्ज – याशनी नागराजन मुख्यमंत्री समृद्ध पंचायतराज अभियान गावोगावी स्पर्धेची जय्यत तयारी विजय जाधव   सातारा प्रतिनिधी  ग्रामविकासाचे नवे पर्व सुरू करण्यासाठी राज्य शासनाने हाती घेतलेल्या “मुख्यमंत्री समृद्ध पंचायतराज अभियान” अंतर्गत जिल्ह्यात गावोगावी स्पर्धात्मक तयारी सुरू झाली आहे. ग्रामविकास मंत्री जयकुमार गोरे यांच्या संकल्पनेतून राबविण्यात आलेले हे अभियान लोकसहभागातून गावागावात विकासाची नवी उभारी निर्माण करत आहे. या अभियानाच्या प्रभावी अंमलबजावणीसाठी जिल्हा परिषद सातारा, पंचायत समित्या तसेच ग्रामपंचायती सज्ज झाल्या असून, “प्रत्येक अधिकारी आणि कर्मचाऱ्याने सर्वोत्तम योगदान देऊन जिल्हा राज्यात अग्रेसर ठरवावा” असे आवाहन जिल्हा परिषद मुख्य कार्यकारी अधिकारी याशनी नागराजन यांनी नुकत्याच झालेल्या ऑनलाईन बैठकीत केले. ग्रामपातळीपासून जिल्हा पातळीपर्यंत नियोजन या बैठकीत नागराजन यांनी स्पष्ट केले की, अभियानातील आठ प्रमुख घटक विषयांवर आधारित १०० गुणांच्या स्पर्धेत गावोगावी काटेकोर तयारी सुरू झाली आहे. या घटक...

पोलादपूर तालुक्यात सेवा पंधरवड्याची प्रभावी अंमलबजावणी होणार — तहसीलदार कपिल घोरपडे पोलादपूर प्रतिनिधी (प्रकाश कदम) महसूल व वन विभागाकडून दि. 01 सप्टेंबर 2025 रोजी निर्गमित शासन निर्णयानुसार छत्रपती शिवाजी महाराज महाराजस्व अभियानांतर्गत सेवा पंधरवडा 17 सप्टेंबर ते 2 ऑक्टोबर 2025 दरम्यान रायगड जिल्ह्यात आणि विशेषतः पोलादपूर तालुक्यात प्रभावीपणे राबविण्यात येणार आहे. याबाबतची माहिती तहसीलदार कपिल घोरपडे यांनी दिली. या कालावधीत सेवा पंधरवड्याचे उपक्रम तीन टप्प्यांमध्ये राबविण्यात येणार आहेत —  पहिला टप्पा (17 ते 22 सप्टेंबर 2025) — पाणंद रस्ते मोहिम शिवारातील पाणंद/शेतरस्त्यांना क्रमांक देणे. शासन निर्णय दि. 29 ऑगस्ट 2025 च्या अंमलबजावणीद्वारे सर्वेक्षण. वाजिब उल अर्ज व निस्तार पत्रकात नसलेले रस्ते नोंदवणे. शेतावर जाण्यासाठी संमतीपत्र घेऊन रस्त्यांची उपलब्धता निश्चित करणे. रस्ता अदालत आयोजित करून प्रलंबित प्रकरणे निकाली काढणे. रस्त्यांची मोजणी, सीमांकन, छायाचित्रे घेणे व अतिक्रमण यादी तयार करणे. गाव नकाशांनुसार वर्गीकरण करून उप अधीक्षक भूमी अभिलेख यांच्याकडे मॅपिंगसाठी साद...

📰 गेल्या ४८ तासांत पोलादपूरमध्ये १६४ मि.मी. पाऊस; परतीच्या सरींनी नद्यांना नवसंजीवनी पोलादपूर प्रतिनिधी (प्रकाश कदम) पोलादपूर तालुक्यात परतीच्या पावसाने जोरदार हजेरी लावली असून, गेल्या ४८ तासांत १६४ मि.मी. पावसाची नोंद झाली आहे. रविवारी दुपारपासून मध्यरात्रीपर्यंत पावसाने अक्षरशः अतिवृष्टीचे रौद्र रूप दाखवले. नदीपात्रे, पाणी साठे आणि धरणांमध्ये जलदगतीने पाणी साचल्याने नद्यांना नवसंजीवनी मिळाली. मुसळधार सरींनी विस्कळीत जनजीवन रविवारी संध्याकाळी झालेल्या मुसळधार पावसामुळे काही तास जनजीवन विस्कळीत झाले. काही ठिकाणी वीज पुरवठा खंडित झाला, तर वाहतूकही मंदावली. सोमवारी सकाळी मात्र परिस्थिती पूर्वपदावर येऊन रस्त्यांवर नेहमीप्रमाणे वर्दळ दिसू लागली. सोमवारी दिवस-रात्र मिळून फक्त ७ मि.मी. पावसाची नोंद झाली. दरडी व झाडे पडण्याच्या घटना पावसामुळे डोंगरी भागांत दरडी व झाडे पडण्याच्या घटना नोंदवल्या गेल्या. कापडे खुर्दजवळ मातीचा ओसरा आला, तर कुडपण गावात विजेचा पोल कोसळून अडथळा निर्माण झाला. दरडींचे संकट आंबेनळी घाट, जुना कशेडी घाट, कशेडी बंगला मार्ग, कशेडी बोगदा व पलचिल मार्गाव...

📰 लढवय्या कार्यकर्ता हनुमंत दळवी यांच्या निधनाने देवळे विभाग शोकसागरात पोलादपूर प्रतिनिधी (प्रकाश कदम): पोलादपूर तालुक्यातील दाभिळ गावचे लढवय्या कार्यकर्ता, आदर्श शेतकरी व समाजसेवक हनुमंत दळवी यांच्या निधनाने देवळे विभागावर दुःखाचा डोंगर कोसळला आहे. त्यांच्या जाण्याने राजकीय, सामाजिक व सांस्कृतिक क्षेत्राला मोठी पोकळी निर्माण झाली आहे. शेतकरी ते आदर्श शेतकरी शेतकरी कुटुंबात जन्म झाल्यामुळे हनुमंत दळवी यांनी बालपणापासूनच संघर्षमय जीवनाचा सामना केला. कुटुंबाचा संपूर्ण भार आपल्या खांद्यावर घेत त्यांनी शेतीत विविध प्रयोग केले. दाभिळसारख्या दुर्गम भागात केळी व स्ट्रॉबेरी शेतीचा अभिनव प्रयोग करून त्यांनी गावकऱ्यांसाठी प्रेरणादायी उदाहरण निर्माण केले. त्यांच्या कार्यामुळे त्यांना आदर्श शेतकरी पुरस्काराने गौरविण्यात आले होते. राजकीय वाटचाल दळवी यांच्या राजकीय कारकिर्दीला सुरुवात स्वर्गीय माजी आमदार माणिकराव जगताप यांच्या नेतृत्वाखाली काँग्रेस पक्षातून झाली. काँग्रेसचे कट्टर समर्थक म्हणून त्यांनी शिवसेनेच्या सत्तेविरुद्ध ठामपणे उभे राहत देवळे विभागात काँग्रेस जिवंत ठेवली. न...

📰 रितेश देशमुख श्रीक्षेत्र महाबळेश्वर भेटीवर – "राजा शिवछत्रपती" चित्रपटासाठी लोकेशन पाहणी  महाबळेश्वर प्रतिनिधी (विलास काळे) : मराठी चित्रपटसृष्टीतील लोकप्रिय अभिनेता, दिग्दर्शक आणि निर्माता रितेश देशमुख यांनी आपल्या आगामी ऐतिहासिक चित्रपट "राजा शिवछत्रपती" च्या शूटिंगसाठी लोकेशन पाहणी करण्यासाठी श्रीक्षेत्र महाबळेश्वर येथे आगमन केले. सह्याद्रीच्या कुशीत वसलेल्या या पवित्र स्थळाच्या ऐतिहासिक, धार्मिक आणि नैसर्गिक वैभवाने प्रभावित होत त्यांनी विविध स्थळांची पाहणी केली. या दौऱ्यात रितेश देशमुख यांनी कृष्णामाई मंदिर परिसराला भेट देऊन दर्शन घेतले. कृष्णामाईच्या दर्शनावेळी ग्रामस्थांनी पारंपरिक पद्धतीने त्यांचे उत्स्फूर्त स्वागत केले. स्थानिक नागरिकांच्या वतीने त्यांना छत्रपती शिवाजी महाराजांनी राजमाता जिजाऊंना सुवर्ण तुला केल्याचा प्रसंग दर्शविणारे चित्र भेट देण्यात आले. या दुर्मीळ भेटवस्तूचा स्वीकार करताना रितेश देशमुख भावूक झाले. त्यांनी छत्रपतींच्या जीवनगौरवातून प्रत्येकाला प्रेरणा मिळते, असे सांगत “राजा शिवछत्रपती” या चित्रपटाद्वारे शिवचरित्र ...

सावित्री नदी तुडुंब भरून वाहत आहे; प्रशासन सतर्क, गावांना इशारा  पोलादपूर प्रतिनिधी (प्रकाश कदम) – महाबळेश्वर, पोलादपूर आणि पंचक्रोशी परिसरात गेल्या चोवीस तासांपासून मुसळधार पावसाचा जोर कायम आहे. या अवकाळी आणि सततच्या पावसामुळे सावित्री नदी तुडुंब भरून वाहू लागली असून नदीपात्रातील पाणी गावांकडे धाव घेत असल्याने परिसरात भीतीचे वातावरण निर्माण झाले आहे. हवामान खात्याच्या अंदाजानुसार पुढील काही तासांतही मुसळधार पावसाचा जोर कायम राहणार असल्याने नदीची पातळी आणखी वाढण्याची शक्यता प्रशासनाने व्यक्त केली आहे. परिणामी, आसपासच्या गावांमध्ये पूरस्थिती उद्भवू नये म्हणून जिल्हा प्रशासनाने तत्काळ सतर्कतेचा इशारा दिला आहे. आपत्ती व्यवस्थापन यंत्रणा सज्ज पूरस्थितीला तोंड देण्यासाठी आपत्ती व्यवस्थापन विभाग, पोलीस, महसूल, आरोग्य आणि ग्रामपंचायत यंत्रणा सतर्क ठेवण्यात आल्या आहेत. आवश्यक तेथे बचाव पथके तैनात करण्यात आली असून, स्थानिक नागरिकांशी संपर्क साधण्यासाठी विशेष नियंत्रण कक्ष सुरू करण्यात आला आहे. नागरिकांना दिलेल्या सूचना प्रशासनाने नागरिकांना नदीकाठी जाणे, पाण्याचा प्रवाह ओलांडण्य...

📰 काळकाई माता क्रीडा व सामाजिक संस्थेतर्फे सुंदरराव मोरे महाविद्यालयातील विद्यार्थ्यांना स्पोर्ट्स टी-शर्टसचे वितरण पोलादपूर, दि. १२ सप्टेंबर २०२५ : पोलादपूर तालुक्यातील कोतवाल येथील काळकाई माता क्रीडा व सामाजिक संस्था ही नेहमीच शैक्षणिक व सामाजिक क्षेत्रात सक्रिय योगदान देत आली आहे. याच उपक्रमाचा एक भाग म्हणून पोलादपूर येथे शिवाई शिक्षण प्रसारक मंडळ महाड संचलित सुंदरराव मोरे कला, वाणिज्य व विज्ञान महाविद्यालयातील क्रीडा विभागातील विद्यार्थ्यांना नुकतेच स्पोर्ट्स टी-शर्टसचे वितरण करण्यात आले. पोलादपूरसारख्या दुर्गम व डोंगरी भागातील विद्यार्थ्यांना शिक्षणासोबतच क्रीडा क्षेत्रातही संधी मिळावी, यासाठी काळकाई माता संस्थेने विशेष पुढाकार घेतला आहे. या वर्षीच्या शैक्षणिक उपक्रमात संस्थेतर्फे माध्यमिक व महाविद्यालयीन विद्यार्थ्यांना स्पोर्ट्स टी-शर्टस देण्यात येत आहेत. सुंदरराव मोरे महाविद्यालयातील विद्यार्थ्यांना याच उपक्रमाअंतर्गत स्पोर्ट्स टी-शर्टसचे वाटप करण्यात आले. या कार्यक्रमास संस्थेचे अध्यक्ष श्री. राजेश सकपाळ, सल्लागार श्री. विजय दरेकर सर, श्री. गिरीधर दरेकर सर, ...

कशेडी घाटात भीषण अपघात – इको कार संरक्षण भिंतीवर आदळून पलटी; एक ठार, पाच जखमी प्रतिनिधी – प्रकाश कदम, पोलादपूर मुंबई–गोवा महामार्गावर कशेडी घाटात गुरुवार (दि.११) पहाटेच्या सुमारास झालेल्या भीषण अपघातात एका व्यक्तीचा मृत्यू झाला असून पाच जण जखमी झाले आहेत. मुंबईकडून गोव्याच्या दिशेने जाणाऱ्या इको कारचा वेगावर ताबा सुटल्याने हा अपघात झाला. 🕒 अपघाताची वेळ व ठिकाण हा अपघात पहाटे अंदाजे ३.१५ वाजताच्या सुमारास भोगाव हद्दीत कशेडी घाटातील पुलावर घडला. इको कार (क्र. MH-14 KS-0231) भरधाव वेगात जात असताना नियंत्रण सुटले व गाडी पुलावरील संरक्षण भिंतीवर जोरदार आदळून पलटी झाली. 👥 मृत्यू व जखमी या अपघातात अनिल देविदास कांबळे (वय ५५, रा. चहोली, ता. हवेली, जि. पुणे) यांचा जागीच मृत्यू झाला. जखमींमध्ये – मोहन गोरोबा चव्हाण (वय ४२) धनराज प्रभाकर मगर (वय ४२) विकास शंकर चव्हाण (वय १८) नागनाथ मल्लिकार्जुन कांबळे (वय ३५) निंगप्पा कंटप्पा पातारे (वय २८, चालक) हे सर्वजण पुणे विभागातील असल्याचे पोलिसांनी सांगितले. 🏥 उपचार व्यवस्था गंभीर जखमी झालेल्या तिघांना तातडीने कळंबनी खेड उपजिल्हा रुग्णालयात...

पोलादपूर तालुक्यात माकडांचा धुमाकूळ – शेतकऱ्यांचे संसार उद्ध्वस्त, नागरिक त्रस्त; वनविभागाच्या हस्तक्षेपाची मागणी प्रतिनिधी – पोलादपूर पोलादपूर तालुक्यात सध्या माकडांच्या दहशतीने नागरिक, शेतकरी आणि व्यापारी अक्षरशः हैराण झाले आहेत. जंगलातून बाहेर पडलेल्या माकडांच्या टोळक्यांनी गावोगाव शिरकाव करून शेती, घरे आणि दुकाने उद्ध्वस्त करण्याचा सिलसिला सुरू ठेवला आहे. त्यामुळे शेतकरी बांधवांचे मोठ्या प्रमाणात नुकसान होत असून काहींनी या त्रासाला कंटाळून शेतीच सोडून दिल्याची धक्कादायक परिस्थिती निर्माण झाली आहे. 🔹 शेतीवर थेट आघात माकडांच्या टोळक्यांमुळे शेतातील पिके उद्ध्वस्त होत आहेत. भात, भाजीपाला आणि फळबागा यांचे मोठ्या प्रमाणात नुकसान होत असल्याने शेतकऱ्यांचा खर्च पाण्यात जात आहे. 🔹 घरा-घरात घुसखोरी ही माकडे थेट गावांमध्ये घुसून घरांची पत्रे उचकटतात, पत्र्यावर उड्या मारून घरांचे नुकसान करतात. घरात घुसून अन्नधान्य, फळे व इतर वस्तूंची नासधूस केली जाते. 🔹 लहान मुलांवर धोका लहान मुलांच्या हातातील दप्तरं, खाऊचे डबे हिसकावून नेण्याच्या घटना वारंवार घडत आहेत. त्यामुळे मुलांच्या सुरक्ष...

नेपाळमध्ये अडकलेल्या महाराष्ट्रातील पर्यटकांना उपमुख्यमंत्री एकनाथ शिंदे यांचा दिलासा – थेट दूरध्वनीवर संपर्क साधून सहकार्याचे आश्वासन मुंबई  प्रतिनिधी : नेपाळमध्ये पर्यटनासाठी गेलेल्या महाराष्ट्रातील १८ पर्यटकांचा गट प्रतिकूल परिस्थितीमुळे अडकला असल्याची माहिती मिळताच राज्याचे उपमुख्यमंत्री एकनाथ शिंदे यांनी स्वतः पुढाकार घेत या गटाशी थेट दूरध्वनीवर संवाद साधला. त्यांच्या सुरक्षिततेची चौकशी करून तातडीने सहकार्य करण्याचे आश्वासनही त्यांनी दिले. ट्रान्स्क्रिप्टनुसार, सुरुवातीला गटातील एका प्रतिनिधीने उपमुख्यमंत्री शिंदे यांना गटामध्ये एकूण १८ पर्यटक असल्याचे सांगितले. त्यापैकी चौघेजण एकत्र आहेत, तर उर्वरित अहमदाबाद, राजकोट आणि दिल्लीसारख्या विविध शहरांतून आलेले असून ते सध्या सर्वजण एका हॉटेलमध्ये थांबलेले आहेत. पर्यटकांच्या सुरक्षिततेबाबत उपमुख्यमंत्री शिंदे यांनी सविस्तर विचारपूस करून प्रशासनाशी संपर्क साधून आवश्यक ती मदत करण्याचे आश्वासन दिले. “तुमच्या गटाशी सतत संपर्क ठेवला जाईल आणि सुरक्षिततेसाठी सरकार सर्वतोपरी प्रयत्न करेल,” असे त्यांनी दूरध्वनीवर स्पष्ट केले. ...

"एकता महिला प्रभाग संघ देवळे" ची वार्षिक सभा उत्साहात संपन्न; महिलांच्या स्वावलंबनासाठी शासनाच्या योजना अधिक प्रभावीपणे राबविण्याचे आश्वासन प्रतिनिधी – प्रकाश कदम, पोलादपूर पोलादपूर तालुक्यातील देवळे येथील एकता महिला प्रभाग संघ हा उमेद महाराष्ट्र राज्य ग्रामीण जीवनोन्नती अभियान अंतर्गत कार्यरत असलेला महिला बचत गट असून, त्यांची वार्षिक सर्वसाधारण सभा नुकतीच श्रीगंगा माता देवी हॉल, पोलादपूर येथे अत्यंत उत्साहात आणि भव्यदिव्य वातावरणात पार पडली. या सभेला तालुक्यातील विविध गावांमधील सुमारे ५०० हून अधिक महिला मोठ्या संख्येने उपस्थित होत्या. महिलांच्या संघटित शक्तीचा आणि त्यांच्या प्रगतीशील वाटचालीचा हा सोहळा सर्वांसाठी प्रेरणादायी ठरला. कार्यक्रमाची प्रमुख वैशिष्ट्ये या कार्यक्रमास महाराष्ट्र राज्याचे रोजगार हमी योजना मंत्री नामदार भरत गोगावले हे प्रमुख पाहुणे म्हणून उपस्थित राहिले. त्यांच्यासोबत माजी जिल्हा परिषदेचे सदस्य चंद्रकांत कळंबे, तालुकाप्रमुख निलेश अहिरे, भाजपा तालुका अध्यक्ष वैभव चांदे, पोलादपूर नगराध्यक्षा शिल्पा दरेकर, नगरसेविका अश्विनी पवार, गटव...

पोलादपूर प्रतिनिधी –( प्रकाश कदम): "आपली माती आपली माणसं" संघटना आणि सकल बहुजन समाज, पोलादपूर तालुका यांच्या संयुक्त विद्यमाने धर्म जागृतीसाठी विशेष व्याख्यानाचे आयोजन करण्यात आले आहे. समाजातील ऐक्य, संस्कृती जपणे आणि भावी पिढ्यांना योग्य दिशा देणे या उद्देशाने हा उपक्रम राबवला जात आहे. या व्याख्यानाचे आयोजन शनिवार, दि. १३ सप्टेंबर रोजी सकाळी ११ वाजता पोलादपूर येथील हॉटेल बालाजी येथे होणार आहे. यामध्ये प्रसिद्ध व्याख्याते श्री. वसंत हंकारे यांचे सुमारे दीड तासांचे ज्वलंत, प्रेरणादायी आणि मार्गदर्शक असे व्याख्यान होणार असून, समाजातील प्रत्येक घटकाने त्याचा लाभ घ्यावा, असे आवाहन आयोजकांनी केले आहे. पूर्वतयारी बैठक या कार्यक्रमाबाबत पोलादपूर पंचायत समितीच्या बॅरिस्टर पै. नाथ सभागृहात मंगळवारी एक विशेष बैठक घेण्यात आली. या बैठकीत रायगड जिल्हा परिषदेचे माजी उपाध्यक्ष चंद्रकांत कळंबे यांच्या मार्गदर्शनाखाली केंद्रप्रमुख, मुख्याध्यापक तसेच विविध संस्थांचे प्रतिनिधी उपस्थित होते. यावेळी श्री. कळंबे यांनी सांगितले की, "विद्यार्थी, पालक आणि समाजातील सर्व ...