पोलादपूर तालुक्यात राष्ट्रवादी काँग्रेसला मोठा धक्का. माजी उपसभापती शैलेश विठ्ठल सलागरे यांचा शिवसेनेत जाहीर प्रवेश — शिवसेनेला नवसंजीवनी
पोलादपूर तालुक्यात राष्ट्रवादी काँग्रेसला मोठा धक्का
माजी उपसभापती शैलेश विठ्ठल सलागरे यांचा शिवसेनेत जाहीर प्रवेश — शिवसेनेला नवसंजीवनी
प्रकाश कदम ,
पोलादपूर प्रतिनिधी :
पोलादपूर तालुक्यातील राजकारणाला नवीन दिशा देणारी महत्त्वपूर्ण घटना आज घडली. राष्ट्रवादी काँग्रेसचे ज्येष्ठ आणि अनुभवी नेतृत्व म्हणून ओळखले जाणारे माजी पंचायत उपसभापती शैलेश विठ्ठल सलागरे यांनी शिवसेनेत जाहीर प्रवेश केला आहे. या प्रवेशामुळे राष्ट्रवादी काँग्रेस पक्षाला मोठा धक्का बसला असून, शिवसेनेत नवी ऊर्जा संचारल्याचा माहोल आहे.
सलागरे यांच्या नेतृत्वाखाली अधिक सुमारे ७० शिवसैनिकांनी आज शिवसेनेचा भगवा ध्वज हाती घेतला. यामध्ये गावपातळीवरील कार्यकर्त्यांसह महिला, युवक, सामाजिक कार्यकर्त्यांचा समावेश आहे. या मोठ्या शक्तिप्रदर्शनामुळे तालुक्यातील सत्तासमीकरणे बदलण्याची चिन्हे दिसत आहेत.
✳ प्रमुख नेत्यांची उपस्थिती — उत्साहात रंगला पक्षप्रवेश सोहळा
या भव्य कार्यक्रमास प्रमुख पाहुणे म्हणून उपस्थित होते—
- नामदार भरतशेठ गोगावले
- जिल्हा संपर्कप्रमुख चंद्रकांत कळंबे
- संजय मोदी, अनिल दळवी
- नगरसेवक सिद्धेश शेठ, भरत चोरगे, स्वप्निल चोरगे
- माजी तालुका प्रमुख अंकुश सकपाळ
- विभाग प्रमुख तानाजी निकम, उपविभाग प्रमुख पांडुरंग वरे
- युवासेना तालुका प्रमुख संजय कळंबे
तसेच स्थानिक ग्रामपंचायत पदाधिकारी, शिवसैनिक, युवासैनिक आणि महिला आघाडीचे कार्यकर्ते मोठ्या उपस्थितीत हजर होते.
✅ शिवसेनेला मिळाली नवी ताकद
आगामी जिल्हा परिषद व पंचायत समिती निवडणुकांच्या दृष्टीने या प्रवेशाचे भरपूर राजकीय वजन आहे.
पोलादपूर तालुक्यात शिवसेनेची पकड अधिक मजबूत होणार आहे, असा विश्वास शिवसैनिकांनी व्यक्त केला आहे.
🗣 सलागरे यांचा विश्वास — “विकासाच्या गतीसाठी शिवसेना!”
पक्षप्रवेशानंतर बोलताना शैलेश सलागरे म्हणाले —
“शिवसेनेच्या विचारधारेतून जनसेवा करत विकासाची वाटचाल अधिक वेगाने करण्याचा निर्धार मी केला आहे. नामदार भरतशेठ गोगावले यांच्या नेतृत्वाने प्रेरित होऊन मी हा निर्णय घेतला.”
पुढील जबाबदारीकडे सर्वांचे लक्ष
सलागरे हे अनुभवी नेतृत्व आणि कार्यकर्त्यांशी घट्ट नाते असलेले व्यक्तिमत्त्व म्हणून परिचित आहेत. पुढील काळात त्यांना दिली जाणारी जबाबदारी काय असेल? याकडे तालुक्याचे राजकीय वर्तुळ लक्षपूर्वक पाहत आहे.
या भव्य पक्षप्रवेशानंतर पोलादपूर तालुक्याच्या राजकारणात नवी समीकरणे, नव्या गोटबाजी आणि निवडणुकीतील नवीन तणाव निर्माण होण्याची शक्यता अधिक गडद झाली आहे.
आगामी निवडणुकांमध्ये याचा नेमका कोणाला फायदा आणि तोटा होणार? — हे पाहणे उत्सुकतेचे ठरणार आहे.
Comments
Post a Comment